اول شخص هواني وهويته

 اليوم اخر يوم فمدرسه***خاصه للبنات طلعوا بنات صف ثامن من كلاساتهم وايببون ويصفقون ويصارخون والبعض ثاني صياح وحظان ودموع اربع اربع طبعا هذا بيكون اخر يوم في الامتحانات واكي بيقترقون
طلعت بطله القصه بعد ماخلصت الامتحان وهي مرتاحه يعني اكيد الامتحان سهل وسخيف سارت صوب شلتها وكانوا يرمسون هن الامتحان وحده من البنات :شواخ شو سويتي فالامتحان
شيخه:وهي تعدل شعرها بافتخار :اكيييد تمام تعرفيني دحيحه
ساره:هههه اكيد صارطه الكتاب صرط
شيخه:تضربها ع راسها بالخفيفخ:ويعه ان شاء الله وانا ااقول منو حاسني غيرج يا سوير
نوره:اسكتوا حشا عورتوا راسنا انا وريمو
ريم:انا كل يوم ارجه البيت راسي يعورني واخذ اربع حبات بندول
شيخه:هاهاها سخيفه اقوول انا يوعانه خلنا نسير ناكل شي

شيخه:بطله القصه عمرها 14 سنه الوصف:حلوه وبيضا جنها قطنه وطولها عادي شعرها اسود سواد الليل وطويل وعيونها كبار  شرات القطوه ومكحله وخشمها جنا سيف وشفايفها صغار وحلوات وحبوبه واجتماعيه تدش الخاطر اول ماتشوفها اهلها مدلعينها وهي دلوعه اخوها العود زايد 


ساره:عمرها 14 حليوه وضعيفه وطول شواخ ربيعتها روح بالروح من صف اول ويا بعض شعرها بني غامج وقاصتنه فراوله وقصير عيونها حلوه وعاديه وخشمها جنا شيف وشفايفها حمرا نفس شخصيه شواخ بس هي شوي هاديه بسبب ظروف بس واايد تضحك اذا اتيها حالات الهبل 


نوره:عمرها 14 سنه حلوه وضعيفه واطول عن شيخه بشوي بس اللي يميزها شعرها الطويل والناعم لونه كاكاوي وعيونها صغار وخشمها جنا سيف شيطانه وخبله شرات ساره بالضبط 


ريم:هالبنت مب طبيعيه من ناحيه خيالها امها لبنانيه بس ابوها اماراتي شعرها اشقر وناعم ومنتف جنها ديايه بس شكلها وايد خبله وعيونها زرق يعني ماتشبه ولابنت فالشله وايد اشياء تتميز فيها وقطنه من كثر بياضها وشفايفها حمرا وهي وايد فني وتحب تضحك 


بالنسبه للشله كلهم ويابعض يكونون احلى بنات فالسكول والاغنى والاشطر والكل يحترمهم ويحبهم الا شله فاطمه اللي كلهم بويات وليديات فاطمه ورشود البويه ولمياء ونصور البويه هالشله شايفين عمرها وايد مشوا البنات للكافتريا وشافوا شله فطوم شوا داخل ضحكوا ع هبالتهم وانانيتهم صدق اشكالهم تضحك دشوا وراهم ويلسوا ع الطاوله طلبو شوي اكل ع الرسيع ويلسوا يسولفون ومن بين سوالفهم
ساره فاجه حلجها :شوو نادي الفروسيه ؟؟وتمت ع وضعيتها
شيخه:يب يب ناويه اش وابوي شجعني لاني كبرت واقدر اركب
وبعدها ساره  على وضعيتها ريموه ضحكت وغصت بالبيبسي وطبعا كله ع ويه ساروه اللي كل حد ضحك عليها عاد ريمو تخبلت من الضحك وقعدت تتجلب وشواخ طلعت برع تضحك ونوره تحاول انها ماتسويها ع عمرها بس مب قادره بس ساروه وويها كله بيبسي وشعرها ومريولها شكلها تحفه ولابعد معصبه ومقهوره وفيها ضحكه اخر شي استسلمت وضحكت بعد شوي دشت شواخ ويلست وياهم نشت ساروه سارت تغسل ويها ويوم ردت
شيخه :المهم منو تبا اتي وياي النادي
ريم:انا بسير ويانواري لندن وماعرف اذا اقدر اي لان عمو قالت لازم نسير
نوره:اوييه صح
ساره:انا ماعندي شي اسويه
شيخه:اوكى خلاص سواري بليز تعالي وياي
ساره:ان شاءالله بسوف اميه وابويه وبرد عليج خبر
وشيخه وهي مرتاحه :اووف الحمدلله وبعد شيو رن الجرس وصار كل يصيح وفي بنات يحظنون بعض ويكملون الفلم الهندي بعنوان فراق الاحبه يادريول ريم ونوره عقب ساره وتمت شواخ روحها مع بنات صف تاسع ويلست توسلف وياهم وقف دريول شيخوه وسلمت ع البنات وطلعت عند السواق وع طول الطريق تلعوز خدامتهم سينتيا وع فكره تعرف ترمس اماراتي
سينتيا:انزين مدام انتي تدرين اليوم مدام لميا بتي
شيخه:اونه يعني بس زايد بيي؟
سنتيا:مااعرف
شيخه:ويه فديت اخوي ماشفته من زمان

في البيت
دخلت شيخه وحبت راسها امها وابوها وسارت حجرتها غيرت ثيابها لين ما تزهبون الغدا تحت لبست لقنوف ابيض لتحت الركبه وخفيف وحطت فيونكه بيضا وخلت شعرها مفتوح نزلت تحت شافت اخوها احمد يالس ف الصاله ويوم شافها قعد يصفر
احمد:الله الله شو هالملاك الي داش على شوي شوي خفي علينا ياقمر
شيخه:وهي تفر عليه المخده ويييه استحي اسكت
احمد:اخو شيخه عمره 16 سنه الوصف:شيخه بس ولد اختصار يشبها واايد وايد تقول توامها ومؤح وايد وكله يضحك ودمه خفيف دحيح شرات شواخ 
احمد:ههه لا دخيلج لاتصدقين عمرج وايد
شيخه:هلا والله بعمود البيت الوسيم الحلو هلا بابوي
ابوزايد:يلا يا يما الغذا زاهب
بو زايد :العمر 41 الوصف:حنون وايد ويحب عياله ومدلعنهم وايد وايد وراعلى ملايين 
ام زايد:العمر 40 
الوصف:حنونه وتحب عيالها وايد ودلوعتها شيخه 
بعد الغدا قعدوا كلهم ف الصاله
ام زايد:اليوم بيي زايد وعياله
شيخه:ياااي زوز بي
احمد:جوجو منو زوزو عايشه الدور انتي
شيخه:ما يخصك زوزو زوزو كيفي (طلعت لسانها) ه
ضحك بو زايد ع اشكالهم :يما شيخه  متى تبين تبتدين تسرين نادي الفروسيه وكم شهر
شيخه:يبا ابا شهر زبعدين بنسافر المانيا بو زايد:خلاص ان شاء الله اشوف جدول شغلى وارد عليكم خبر
احمد:احم احم عطنا ويه يالحبيب
بز واي ضحك
احمد:يعني انا مالي راي فالسفره
شيخه:وين تبا تسير بعد
احمد:بسير جزر المالديف ونيويورك
شيخه:انا موافقه ابو زاي :خلاص موافق
ابو زايد :خلاص موافق
احمد قام يتنطط وفرحان واي وايد عسب ابوع سمع رمسته
بو زايد :عاد الله يعينا من الدرجات والشهاده
دشت ام زايد شاله شاي سارت شيخه فوق ترقد
نشت شيخه من الرقاد وغسلت ويها وصلت العصر ونزلت تحت وشافت امها يالسه روحها
شيخه:صباح العصر بلاج اميه يالسه روحج
ام زايد:ابوج محد سار يخلص شغله فالشركه واخوج زايد قال بيتاخر شوي واحمد سار وياربعه يغير جو وانتي كنتي راقده
شيخه:اها اميه بقلج شي
ام زايد:هلا يما قولي
شيخه:ابا فون هديه نجاحي بلييز
ام زايد:لا
شيخه:اميه حرام عليج ابا بليز بليز
ام زايد:ان شاءالله انا موافقه بس ابوج مادري بشاوره
شيخه:مايحتاي خلى ابوي على وباست امها عقب رن فون البيت تركض شواخ عسب ترد عليه
شيخه:الو
....:الو الو حبيبي حلو
شيخه فرحانه:حمداااان
ام زايد :منو ع التلفون
شيخه تعلى صوتها يما هذا حمدان
شيخه:حمدان يالدب ليش ماتتصل والله وحشتني
حمدان:السلام عليكم
شيخه:اوه سلام عليكم
حمدان:حشا مجهزه لي تقرير
شيخه: تضحك
حمدان:فديت هالضحكه هاه شخبارج ؟؟
شيخه:تمام الحمدلله وانتي شحالك
حمدان:الحمدلله بخير اميه وابويه شحالهم
شيخه:الحمدلله شو نيويورك حلوه؟
حمدان:ههه تجنن
شيخه:عيل لا ترجع نحن يايينك
حمدان مندهش :هااه كيف جي
شيخه:والله بعد شهر بنيك
حمدان:اها اوكى اقلج وايد عطيتج ويه يلا باي
شيخه: مالت عليك باي
حمدان:العمر 19 الوصف:حمان طويل وضعيف وشهره طويل ولونه كستنائي عيونه عسليه واحلى واحد فخوانه طالع ع يتها شخصيه حلوه وايد همه دراسته وبس اجتماعي وحبوب وايد 
شيخه تزااعق يمما حمدان سلام عليج
امها تقلدها :الله يسلمه
قبل المغرب بشوي سارت شيخه تغير ثيابها دشت الحجره وفجت كبتها طلعتلها فستان احمر لين فوق الركبه بشوي وع الخصر حزام عريض وفي ورده بيضه ولبست طوق احمر عليه ورده بيضه بعد حطت كحل ونزلت الصاله سمعت صوت زايد وع طول ركض عنده
شيخه:زوزو اه قصدي زايد
زايد:فاتح يده :هلا والله بشواخي خضنته وسارت صوب حرمته لميا
شيخه فرحانه:هلا والله بلولو شحالج
لميا:تمام الحمدلله انتي
شيخه:الحمدلله تمام دامج تمام
زايد:اب حنون متزوج لميا وكان بينهم قصه حب حياته عسل بعسل وهو مدله شيخه لانه ماعنه غير محمد الصغير
لميا:حرمت زايد طيبه وحننونه وتحب زايد ولدها حمودي موت تنحط ع اليرج فيبرا تحب شيخه بعد تعتربها ربيعه واخت 
محمد:العمر 2 سنه ولد زايد ولميا وحليله مسالم وهادي ودلوع ابوه وامه بس في شيطانه شوي مسمينه ع ابوه زايد محمد وبعد دلوع شيخه تموت عليه لو ماشافته يوم بتموت 
شيخه:وينه حمودي وينه ولدي ؟
لمياك مايبته
شيخه معصبه وزعلانه ومقهوره :ليش مايبتوه تبوني اموت من اسبوعين ما شفته والحين ما يبتوه اصلا انا اتريا حمودي ايي وما
زايد طفران قاطعها :اففف اسكتي انقص عليج حمودي يا ويا بعد وياه ولد عمه خليفه دخل عليهما حمودي وميوم يد خليفه
شيخه تركض وتشله وتبوسه عشرين الف بوسه :حياتي حمودي يا عمري انته انا ما شفتك من اسبوعين بموووت
خليفه زايغ منها عاد خليفه يهبل شعره طويل واسود وعيونه كبار شيخه نزلت حمودي وشلت اليهال حجرتها يلست تلعب وياهم وخلص اليوم  وفي اليوم الثاني
نشت شيخه تصلى الفجر وقرت سوره الكهف لان يوم الجمعه الساعه 6 شلت الاب توب وحدرت المسن الموجودين كانوا الشله ونوف اربيعتها اللي صف تاسع وشوي بنات خالتها وعمتها وجيه يعني كانوا الموجودين 38 من اصل 150 تقريبا شواخ تحب تسولف وجيه يعيني شافت الكل حاط لون برتقالي وحاطين بزي لون احمر الا نوره وساره سوت انفيايت
شواخ:هلا قايز
نواريز :اهلين شواخ
سارونه:اهلين وسهلين وبوستين ع الخدين
شواخ:شحالكم؟
نواريز:تمام وانتي ؟؟
شواخ:الحمدلله هاه وصليتوا
سارونه:يب اكيدد
نواريز:شو رايكم اليوم نفطر برع امم ف كوفي او اي شي
سارونه:صح والله من متى ما ظهرنا حشى
شواخ:اوك انا موافقه
دشت وياهم ريم وحاطه البي ام مالها بطني يعورني
ريم: ااااخ السلام عليكم
الكل مره وحده :عليكم السلام
نوازير :سلامات ريمو
شواخ:يتج الحرمه
ريامي :يب
سارونه: الله يعينج
شواخ :عيل ما بتطلعين ويانا اليوم
ريم خلال ثواين:وين؟ متى؟ كيف؟ اي ساعه ؟
كلهم ورا بعض هههههه
شواخ:لالا مابتسيرين ترا بطنج يعورج
ريمو:لالالا سبعه سبعه ماينخاف على
نواريز:خلاص باي بسير اتجهز (حطت بزي وسارونه ونوره وشواخ بعد
نزلت شواخ وخلت الاب مفتوح وسارت وكتبت ورقه صباح الخير ماما انا بسير افطر وياربعي سارو ونوره وريم وباخذ الخدامه معاي سنتيا وهذا رقم فونتها ********* باي
سارت طلعتلها سكيني اسود واحمر وقميص احمر واسود وكان احمر واسود فكل شي ولانها مابلغت عادي تطلع شعرها بس لبست عبايتها مفتوحه وقرزت تحط شيله ع راسها وعسب تتعود ونزلت شافت امها وخبرتها وماها انا قجت الرساله وسمحتلها تروح ف الطريق مرت ع ساره ونوره وريم وساروا مطعم يطل ع البحر والجو كان رهيييب وخذولهم كارواسون وحليب نسكافيه وهالسوالف عقب ساروا يتسوقون شوي وردوا البيت ع الساعه 12 ع طول سارت شيخه توضت وصلت وعقب حدرت المسن وكتبت بي ام نايس دي

Part 2

طرشت حق ساروه مسج اوف لاين 

شوااخ:سارونه نسيت اسالج بتدخلين النادي الفروسيه ولا؟؟

وسكرت ع طول 

بعد 3 ايام ماصار شي مهم غير ان اهل ساروه وافقوا واهل نوره وريم بعد فرحت شيخه لانها لتبشو فهم مره ثانيه ,بس اليوم الرابع شيخه لابسه بجامه حرير وقاعده تطالع فلم ماتعرف شو اسمه بس عن جريمه واكشن وجيه يعني تحب المحقق كونان وهو رسومها الطفولي وراعه شعرها ورابطتنه اي كلام رن فون وبكل كسل قامت تشله وبصوته شبه نعسان ومبين عليه الممل 

شيخه :الو 

واحد:الوسلام عليكم

شيخه زاغت:وعليكم السلام منو وياي ؟

واحد:الشيخ حمدان بن محمد 

شيخه:الود ودها تنط عليه :ياحيوان والله اني زغت 

حمدان: شحالج شواخ

شواخ:تمام وانت 

حمدان:الحمدلله اقول شواخ امي وينها 

شواخ:محد ليش 

حمدان:انتي روحج ف البيت 

شواخ: يب 

حمدان:بقولج سر 

شواخ :بتي باجر 

حمدان:هيه ان شاءالله 

شواخ خلت السماعه وقعدت تصارخ وعقب ردت 

شيخه:اونه

حمدان:طووط طوووط طوووط

شيخه مقهوره :ايييه

حمدان:هااه صدق بس لاتخبرين حد اوكيه بليز 

شيخه:من عيوني 

حمدان:فديت عيونج يالله باي 

شيخه:باي 

شيخه فرحت وماعرفت شو بتلبس وكيف تتجهز تمت تفكر اليوم اللي بعده 

شيخه متعدله ومتكشخه اوننه يعني حبيب قلبها اخوها بي لابسعه كل شي اسود اونه تسمي عمرها ذكيهوعسب مايحس حخد المغرب شيخه من يوم الصبح قاعده شرات القعده وماغيرتها الا اذا تبا تصلي ولا تاكل واخيرا دش واحد وسيم لابس كندوره ومسوي حمدانيه وعاطي شواخ ظهره 

شواخ تصاارخ :حمداان 

حمدان لف وفتح يده :هلا شيخه الحريم وركضت وحضنته وصاحت 

حمدان:افا بيخترب الميك اب حرام

شيخه:زادت 

حمدان:اوهو والله لو اعرف اني لهدرجه غالي ماكنت ييت وجفتج تصيحين 

شيخه:يالمينون فرحانه

ورفعت راسها وعيونها كلها خايسه مسكرا وكحل وكله سايح ضحك عليها حمدان و ظربته 

حمدان:وينها اميه 

شواخ:سارت فوق عند ابويه

حمدان:اوكييه تعاالي وياي 

ساروا:فوق صوب الحجره امهم وابوهم وحمدان دق الباب 

ام زايد:منو؟؟

حمدان ساكت ام زايد سارت تفتح الباب وشافت حمدان واقف جدامه ام زايد بدون مقدمات صاحت 

حمدان:تطفر اييههييي كل دقيقه اشوف الفلم الهندي بس البطله غير بسكم عاد حمدان باس راس امه وابوه والمهم بدت الترحيبات يا احمد وزايد قدروا يسوون عزيمه بع يومين يصادف يوم الجمعه دقت شواخ حق بنات خالتها حمده وخبرتها بالعزيمه 
عايله بوحمد 
بوحمد :ريال ونعم فيه ربيع بو زايد روح بالروح ويحترمه واي وطيب وحنون وايد 
ام حمد:اخت ام زايد ويبحون بعض مووت حتى يوم كانت شيخه صغيره كانت ام زايد تعبانه وايد فما ماقدرت ترضع شيخه فرضعتها ام حمد ورضعت عيالها التوام حمده وحمد خوان شيخه التؤام 
حمده حلوه وحبوبه وكبر شواخ بس هي اكبر  بيوم توام حمد شعرها مصبوغ سبحان الله يعني من تحت بني فاتح ويبدا بتغمج الين فروه
ماشاءالله عليها عيونها كبار وحلوه وايد 
حمد:توام حمده واخو شيخه بالرضاعه شهر بني وياي ع برع احلى مافيه شعره وعيونه كبار شرات حمده المهم تؤام 
بعد يومين استعد الكل عسب يسير العزيمه اللي فبيت بو زايد نشت شواخ الظهر وشافت كمال تحت يزهبون الحديقه وطاولات ورود وجو حلو وايد شيخه عازمه خواتها بالرضاعه وعيال عمها ناصر وبو راشد 
عيال عمها:
ناصر:اكبر من شواخ بسنه طوله عادي وشعره شوي خشن وخشونته حلوه وغليظ واسمراني وخشمه شله سيف يعني يهبل يحب شيخه 
شما:دلالاعه بس دلع من الله حلوه وايد بس مب احلى من شيخوه سمارتها شرات سماره اخوها وتشبيه وايد كبر شواخ شعرها ناعم وسايح وخفيف كبر شواخ وتحب اخوها احمد 
هند:حلوه وااي وكيوت عمرها 12 سنه طول شما مه انها اصغر عنها عيونها غريبه اخضر عرمادي وخبصه يعني ميزتها بيعينها سبحان الله وشعرها اشقر مخصل عسلي وسمارتها عاديه وشعرها كيرلي بس واايد حلو خصوصا ان شعرها خفيف 
حميد:عمره 9 شهور كيوت وبس 
ام زايد عندها اخو اسمه عادل وهالعادل خاطب عمه شيخه الي تصير اخت ابو زايد وزوجههم قريب 
يت الكوافير تسوي شعرها والمكياج والبنات كلهن داخل الحجره شواخ شما وهند وحمده وعليا 
شيخه:لبست فستان لتحت الركبه بشوي تراكوان ويا بني طالع عليها رهيب
شما:لبست فستان فوشي لانها وايد تحب هاللون 
هند:لبست فستان وردي فاتح قصير لفوق الركبه وعليه فيونكه سودا 
حمده:لبست فستان بنفسجي قصير وعليه وردات بيض عند الخصر 
عليا/لبست فستان احمر وكل شي احمر وقلوب حمرا (الفلنتاين )هع 
نزلت شيخه لانها خلصت مكياج اول وحده وسارت تشوف البوفيه وهالسوالف امها كانت بعدها سارت عند الحديقه وهي طالعه شافت حد واقف بس هي عادي عندها مابلغت مشت شوي وسارت قسم الحريم وشافت الكوافير والورود (ياااي شكله حلو المكان )هع 
شخص:انتي المحلتنه 
شيخه بذهول :حمد!! اخوها 
حمد:شحالج: شواخ 
شيخه مستحيه:تمام الحمدلله وانت 
حمد:انا بخير هاه خلصتوا 
شيخه:هيه بس عزيمه ياي من وقت عاد اتي اخر واحد
حمد:عاد هذا حمدان ياي اشوفه حرام من زمان عنه 
شيخه:اها 
حمد:طالعه حلوه شوااخ 
شيخه:يلا عاد اجلب ويهك ترا استحي 
حمد:يضحك ههههه يلا باي 
شيخه مستحيه حمد 
حمد:هااه
شيخه:عيونك الحلوه ولفت وسارت اونها مستحيه 
ومن بعي كان في حد يراقبهم وف باله قاعد يقول وسرحان
شخص:ااااخ ياقلبي قمر قمر والشاهد الله ياليتج كنت ملكي تحط يعيني وبسكرها ياخي والله احبج امووت فيج 
حمد:نصووور ويعه ماتسمع 
ناصر:هااه بلاك 
حمد: شفيك ازاقر عليك ابا اسلم وانته احلى طاف 
ناصر:حقك على وانا اسف
حمد ينغزه :تفكر بحبيبه القلب هااه
ناصر:بسك عاد 
حمد:اقول خلنا نسير عند حمدان 


عند شيخه 
صعدت فوق تشوف البنات كانوا مخلصين الا هند اللي حاشره البقعه تبا وماتبا 
هند:اوهو انتو ماتفهمون انا ما ابا هاللون يطلعني بنغاليه انا ابا هذا 
شيخه متنرفزه :ويييه اذيه حشا ماتسكتين 
عند:ماابا ماابا 
الحرمه:انتي شو بدك؟؟
هند:ما ابا هاللون 
وتموا عاهالحاله لين ما صار شي
ونزلو كلهم تحت سارت علايه عند خطيبها عادل وكانوا فالحديقه الصغيره بعيد عن المعازيم عسب ياخذون راحتهم عاد شيخوه وشموه )وهندوه وحمدو يراقبون شله الميانين (نسيت اقلكم ان شواخ عندها خاله اسمها مريم مسافره ويا حمدان تدرس اونه بس بعدها ماردت
شيخه:اففف ياريت مريوم ويانا الحين والله كشخه وياها المينونه
شما:هيه عاد مريوم فديتها 
هند:اتحيدون يوم نقزت من المكتبه وانكسرت ريلها 
حمدهكههه هيه انا احيد 


ساروا صوب الحريم
عند الريايل
بو زايد:هيه عاد الحين شغل الشركه بدي يصعب شوي وان شاءالله حمدان بي وياي واحمد
بو ناصر:عاد هيه الشركات يبغلها شغل والحين قاموا الناس يزيدون الرواتب و...الخ 
هاي سوالف الريايل الاقتصاد
والصوب الثاني 
ناصر يالس ويا حمد وربيعهم تركي واحمد وزايد حمدان يالس ويا الريايل وملان مسويله حجر 
ناصر :انا احب 
حمد وتركي وكلهم فاجين حلجهم :شو 
ناصر:بلاكم احب القهوه 
حمد:هههه يا ظريف 
تركي :ههه ياعبيط 
ناصر:طالعهم بنظره شفقه يا حرام النونو مضيع امه تركي يقلده 
وهذاك:لييه 
وتمت الحاله جيه ويوهم وعقب حمدان وزايد 
تركي:اخيرا حشا هالكثر يحبونك 
حمدان:احم احم
ناصر:لا تغير عمرك 
تركي:اقول حمدان شو الفراش هناك حلوات 
حمدان:هيه تصدق الشقرا والخمرا والصفرا وكل الانواع 
حمد:اونه جان رقمتلي وحده
زايد:جيه ستاد عنك هو 
حمدان :نطق ابو الهول 
زايد:هاهاها  
هاي سوالف الشباب ع فكره تركي امه تركيه بس مسلمه تعرف ترمس اماراتي 
عند الحريم
ام ناصر :هيه هذيك ام سليمان حليلها ريلها تزوج عليها ويهددها انه يطلقها 
ام زايد:هيه والله حتى ام فاطمه هاي ريلها معلقنها 
ام تركي:امم بنتها فاطمه معرسه وعندها ولد وبنت والحين حامل 
وهاي سوالف الحريم 
الصوب الثاني فالحديفه 
شيخه:طااع ام تركي حلوه عيل رهف اخته مايتنا
حمده:هيه والله يقولون بعدها ماخلصت امتحانات 
شما:واااي طاعو هناك هذيك ام البنات هيه عندها سعادوسلوى وسمر وساره وكلهم بحرف السين ماشاءالله
شيخه:شو رايكم نسوي مقلب 
هند متحمسه :اوك شو الخطه وع منو 
شيخه:اممم فكروا 
شما :مافيني 
حمده:انتي جب جب يالدلاعه 
شما:بسوي عمري ماسمعتج 
هند:اممممم انا عندي فكره
الكل :شو هي ؟؟
هند قعدت تههمسلهم 
شيخه:لا ما ابا فشيله 
هند :يلاعاد شواخ 
شيخهكاوكيه خلاص 
حمده:يسسسس
عند الريايل يرن فون ناصر ع رنت ام دميعه وشيله 
ناصر :الو 
شخص: .... سكوت 
ناصر: الو
صوت نسائي:الو
ناصر: هلا من معاي 
شيخه:انته ناصر 
ناصر:لا نصور خير
شيخه: الخير بويهك انا وحده شفتك فالمول مره وحبيت اني 
ناصر:اي انتي اسمعيني ترا انا احب وحده ومب متفيج حقج يلا مناك ولاتتصلين مره ثانيه وصك الفون
عند البنات
البنات ناقعين ضحك 
شيخه:عيونها تمع واي واي بمون بنفجر 
شما:ياحليك يا اخوي 
هندكاوييه صح طيب قال انه هو يحب
حمده:واااي نصور يحب واك
شما:جب جب ع بالج حجر مايحس ولا يحب
شيخه:بس يا ترا منو يحب 
شما تهقون وحده فالبييت
هند:يعني يمكن حمدوه او شواخ او مريوم
شيخه تضحك: اتخيل 
حمده بتموت : لاه مستحيل 
Part 3
شما:يلا الشخص الثاني 
_____
في ميلس الريايل يرن فون حمدان
حمدان:الو هلا 
شيخه:اهلين وسهلين الاخ حمدان
حمدان:ايه نعم منو ؟؟
شيخه:واااي مب مصدقه اني اكلمك 
حمدان:نقع ضحك 
شيخه:شفييك
حمدان:انتي منو؟؟
شيخه:انا وحده 
حمدان:ادري انج واحده يعني بتكونين واحد 
شيخه:كانت بتضحك بس سكتت عسب ماتنفضح وقالت حمدان انا احبك 
حمدان:وانا ما احبج باي 
____
شيخهو سارت الحمام  وشما وراها وحمده وميثه وهندوه ويها ازرق هع
بعد دقيقتيين
شيخوه:ااااه يعلكم صاروا مطنزه الاولاد 
حمده:اااه يحليلكم 
شيخوه:لا احلى شي حمدان
حمده:لا تذكريني لا ههههه
كانوا بيكملون بس خافوا الاولاد يشكون المهم ماصر شي عقب كلهم ساروا المعازيم وكل حد :ورقدوا وحلموا والمهم 
اليوم الثاني 
نشت شيخه وسارت تحن تشوف الريوق كانت مدوخه بس تذكرت ان باجر بتسير نادي الفروسيه سلمت ع امها وابوها كان ساير الشغل مر اليوم وكان ملل بالنسبه لشيخه غير انها كانت تتجهز والبنات اللي بيسيرونن معاها بعد يتجهزون اللي هم ساره وريم ونوره 
يوم الاحد
نشت شواخ متحمسه مووت لبست ثيابها اللي هم عباره عن سكيني ايود وحزام اصفر وقميص كاروهاتت اسود واصفر وبوت اسود ورفعت شعرها ذيل حصان وابوها وصلها اول ما وصلو المكان كبير بشكل ماتتخيلونه في اربع ساحات كبار وشكلهم روعه وقاعه حق الاكل ومطاعم ونادي فيه سباحخ المهم دشت شواع وكان شكلها كيوت كل حد يطالعها سار ابوها عن المدير وسلم عليه وطلع المهم المدير ودا شيخه عسب يراويها المكان وف الطريج جافوا ولد 
الولد:سار عند شواخ والمدير 
الولد:هلا استاذ شحالك ؟؟
المدير:بخير هاه شحالك هزاع؟
هزاع:تمام والله 
المدير يرمس شيخه:هذا هزاع اشطر واحد ف ركوب الخيل وايد حبوب ومتعاون 
المدير يرمس هزاع:هذى شيخه بنت بو زايد يديده و اتمنى انك تعاملها زين لانها ماتعرف حد هنيه 
هزاع:يطالع شيخه ان شاءالله كله ولا بنت بو زايد 
المدير":يلا سيرو والحين بيبها 
هزاع:ان شاءالله
وسار
المدير:هزاع ريال ونعم فيه ابوه ربيع ابوج ويعرفون بعض
شيخه:اها استاذ بسالك؟
المدير:تفضلى
شيخه:انته تعرف ابوي
المدير:هيه ابوج كان ربيعي انا وابو هزاع كنا ربع ايام الثانويه
شيخه:اها
سارت شيخه صوب الاصطبلات وهالسوالف المكان كان حلو بشكل عام كان المدرب واقف مع الفارسين والفارسات وبما انه اول يوم لازم يكونون كلهم موجودين عسب يقسمونهم شافت شيخه ساره وريم ونوره وسارت صوبهم 
شيخه:اوهاويو كلمه يابانيه معناها مرحبا 
معلومه:شواخ تموت ع الكورين بس تحب الطبيعه اليانايه وكلامهم وتحب ترمس نفسهم 
نوره:شواخ شحالج؟؟
شيخه:تمام 
ساره:شكلج يهبل والله كلهم يطالعونج وخاقين عليج 
نوره:صرفت النظر عنها 
ريم كانت ساكته طول الوقت 
ساره:رياامي شفيج 
ريم:هاه مافيني شي 
شيخه:والله لو الدكتوره نفسيه رهوف موجوده كانت بتعرف شفيج بس نحن بنخليج ع راحتج 
ريم:فديتكم والله مافيني شي كل شي بوقته 
ولفت ريم تطالع الخيول وردت بذاكرتها سنوات 
ريم:يما تعالي بسرعه جوفي هذا الخيل واايد حلو 
ام ريم :اوك حبيبتي 
ووصلو الخيل لونه ابيض وشعره اشقر وحلو وهادي 
ريم:ماما اركبيه اركبيه
ام ريم:اوك بركبه عشان خاطرج 
ريم ابتسمت لامها ,,ركبت ام ريم الحصان وبعدين كان الحصان يركض ويقفز الحواجز وفي الوقت الللي نزل فيه الحاجز كان فيه سياره مسرعه ع الطريق اللي حذالهم وفقدت السيطره ولفت السياح وكسرته والحصان هج ورفه ريله لفوق وطاحت ام ريم و....حرام
ساره:الله شحلاته 
شيخه:هذا الاشقر 
ريم تتذكر هذا يشبه الحصان اللي خلا امي .....حراام
الدكتور :ان لله وانا اليه راجعوان 
ريم:منهاره وتصيح :لاامي  لا ماتت ماتت انا ماعندي ام ماعندي ام امي جتلها حصان امي جتلها حصان لالالا ماابا وراحت عند امها وقعدت تصيح ع وجهها اللي مغطينه 
ونزلت دمعه ع خد ريم ومنها عرفت شيخه ان ريم تذكرت الحادثه اللي صارت مع امها 
شيخه:امممممم رياامي شوفي الاستاذ هذا اسمه خالد مبين على انه مخلوق حق الفروسيه 
ريم:اها لاوالله شكله نايس
المدرب :انا اسمي عبدالله المدرب اللعام لهذا النادي اليوم هو ال يوم لكم ومقدمات سخيفه وهالسنه كل مدرب بيختار طلابه ومنقسمكم على اربع مجموعات المدرب خالد بيختار طالبه 
خالد:هزااع وليد ال****/شيخه محمد ****/ساره ال***/ميره ****/ريم***/نورهال****/راشد****/حميد*****/على****/منصور****/اتمنى انكم تتفضلون عندي 
البنات فرحوا لانهم شرات الفريق وان وياهم وحده يديده الي هي ميره واكيد بيتعرفون عليها 
وعند قسمهم 
الاستاذ خالد:انا اليوم ببتدى نظام يديد طبعا بعضكم يديد ويبا يتعلم ركوب الخيل وبعضكم مجرب ويبا يحترف فانا مايقعد اعلم كل واحد اظن انكم كبار ومايحتاي اقعد اعلم كل واحد كيف يركب الخيل واي استفسار يتفضل عندي انا بروح الحين عندي اجتماع وبقولكم الاسماء يفتح الورقه بحط كل محترف ويا مبتدئ 
شيخه محمد ال***وهزاع انت بتدربها 
شيخه فبالها :ليش ولد يدربني مابا 
وقعد يوقل الاسماء ساره ويا منصور ميره ويا راشد ونوره ويا حميد وريم وياعلى كل ولد يدرب بنيه يالصدفه طلع جيه يعني قدرهم الوحيد اللي جيه قصدي ع اللي فوق والباقين بنات وخبصهم يعني 
استاذ خالد:يلا الحين بسير وبرد واتمنى اني اشوف تطور 
وسار خلاهم:وكل متدرب مع محترف مع بعض 
هزاع صار صوب شواخ:السلام عليكم :اظن ان المدير قالج عني 
شيخه:هيه قالي 
هزاع:عيل طوفي الاسطبل عسب بنبتدي 
شيخه:اوك 
هزاع:اطول عن شواخ بشوي وسيم ويجنن يطيح البنات فالمول من كثر جماله عيونه كبار ووساع وشعره ناعم كاكاوي وخشمه سله سيف فارس ويحب الخيل وصفاته انه اجتماعي وفي اشياء بنكتشف خلال القصه 
في الاصطبل  شيخه قاعده تحوس وتحوس تدور عحصان حلو هزاع ضحك ع شكلها ولفت شيخه 
شيخه:شفيك؟
هزاع:شكلج يضحك وانيت قاعده تدورين تدورين 
شيخه:انزين اي حصان احلى 
هزاع:انا اخذ الاسود دوم جيه 
شيخه:اممم اخذ هذا الاشقر شكله كيوت 
هزاع:اوك يلله
مسكت الحصان شيخه ويالست تلعبه وترمس وياه وهزاع مندمج وياها 
شيخه:بنغسله
هزاع:لاهو نظيف الحين بعد ما تركبينه بينغسل 
وعقب الكل قعد يتدرب
شيخه كانت تحس باحساس وايد غريب تجاه هزاع حتى هزاع نفس الشي بس ما كانوا يبينون حق بعض هزاع وهو راكب ع الحصان الاسود وشواااخ الابيض وشعرع اشقر 
عند ساره 
منصور وايد شديد وملامحه جديه بس عنده قلب حنون وايد كان طيب بعاملته مع ساره ..منصور طوله عادي كبر هزاع وشعره اشقر كامل لانه امه اجنبيه وملامحه واايد وايد حلوه وفي شي يجذب 
منصور:انزين شوي شوي ع الحصان وعسب يتعود عليج 
ساره:اوكيه اخافه يركض واطيح 
منصور:لالا مابيستوى شي ان شاء الله 
ريم وعلى 
ريم كله سرحانه تفكر بسالفه امها وعلى وايد بارد ويعني عادي على قصير بس مب واايد وايشوفه يقول انه بعده ابتدائي جسمه صغير مب مبين انه اعدادي بس حلو وفي شي يجذب البنات له 
نوره وحميد 
كانت الامور بخير بس نوره كانت مرتبكه وايد ومستحيه بعد سبب مابينت كان حميد يعلمها كيف تقدر تركب الخيل بسهوله 
حميد:اوك اول شي سوي جيه وقعد يقولها 
نوره:وقلدته نوره وسوتها صح 
نوره: واخيرا 
ححميد:يالله الحين لازم تمسكين اللجام عدل وبقوه عسب تقدرين تسيطرين ع الخيل 
نوره:اوكيه اذا ماقدرت اسيطر عليه ؟
حميد:لا الخيول هنى مدربه عدل وان شاءالله ما بيصير شي يلا االحين 
وقعد يعلمها كيف تمشي بالخيل ونوره من نوع الي بسرعه يتعلم 
حميد:شخص غامظ وايد وطوله عادي وضعيف اسمر وسمارته حللوه وعيونه تذبح هي اللي تميزه فيه شي يجذب بطريقه فظيعه وشعره ملمسه خشن وياي ع برع وعيند وايد راسه يابس وما يحب بسرعه وماعنده سوالف المغازل وجدي وايد (بسبب سالفه صايره قبل )المهم 
كل هذا خذا منهم اربع ساعات وبعدها ياهم الاستاذ خالد وقال لهم يدخلون الاحصنه والحين بريك لمده نصف ساعه وساروا الكافتيراي والبنات يلسوا ف طاوله اما هزاع وحميد وعلى ومنصور وراشد ربع من متى يلسوا ف طاوله اللي حذالهم شوي 
والبنات يرمسون يرمسون حتى ريم اتخبلت شوي هناك قامت تضحك 
شيخه:بقولكم نكته
البنات:شو؟
شيخه:في صيني وصينيه تزوجوا يابو طقم صحون 
البنات:واااااك وااااك ههههههه وعقب مرت صوبهم ميره
شيخه:بنات بسير دقيقه وبي مابتاخر 
نشت شيخه وصارت صوب الطاوله اللي يالسه فيها ميره كانت بروحها 
شيخه:السلام عليكم 
ميره:وعليكم السلام تفضلى يلسي 
ويلست شيخه 
شيخه:امممم انا اسمي شيخه شفتج قاعده روحج قلت خلني ايي اسولف وياج 
ميره:ابركها  من ساعه حياج ف اي وقت انا ميره 
شيخه:عاشت الاسامي 
ميره:تسلمين 
شيخه:ماعندج ربع هنيه 
ميره:لا والله ماعندي بس عندي اخو اللي هو هزاع 
شيخخه:مندهشه :هزاااع اللي يدربني 

Part4

ميره:يب هو
شيخه: اها عيل ويت شوي
اشرت ع شلتها ويو كلهم ويلسوا
ساره:اوهايو مرحبا بالياباني
نوره:سلااام
ريم:هاااي
شيخه:ميره هذبل شلتي ف السكول ونحن ربع من يوم ونحن صغار
ميره:اها قود نايس تو ميت يو
نوره:انا نوره وتقدرين تزقريني نواريز لو حبيتي عمري 14
ميره:تشرفنا
ساره:انا سار او سارونه كبر نواريز
ريم:انا رياامي كبر الكل هع
ميره:هاها نايس 2 ميت يو بس ريامي انتي اماراتيه ؟؟
ريم:يب اماراتيه بس امي لبنانيه
ميره:اها ماشاءالله شكلج كيوت وايد
ريم:ثانكس
وهذى سوالف البنات ..........سوالف الاولاد عند
راش:هيه والله امس المباره كشخه وروعه
هزاع:هههه
منصور:بلاك تضحك
هزاع:ماشي واصلني برودكاست حلو
على:كلنا عندنا بلاك بيري ع فكره يعني
هزاع:جب انته جب
ومن بين سوالف الاولاد
راشد:حميد بلاك ساكت
حميد مرتبك:هااه ماشي
على:افا(يغمز له)تخش على
حميد:لا بس اليوم حر وايد
هزاع حس ان فيه شي فحب انه يغير السالفه:هيه والله حتى الي ادربها كانت تعبانه بتموت من الحر
 منصور:خلنا نرمس عنه هالموضوع
على:انزين
هزاع:الصراحه انا الي عندي اسمها شيخه هذى بنت محمد ال***عرفتوه؟
الكل:هيه هذا بو ملايين
هزاع:قولو ماشاءالله
الكل:ماشاءالله بس نحن بعد شو يعني كنا اغنياء الله يحفظنا
هزاع :مالت عليكم
منصور:حلوه
هزاع:مايخصك
راش:هزاع علينا تحبها هااه
هزاع متفشل:انته غبي اليوم الو يوم مالحقت حتى ارمسها وايد
على:هاااه يعني حب من اول نظره
هزا ع:يالله يارحيم
على:انا عن نفسي اللي عندي شكلها كيوت والله شعرها اشقر اشقر وعيونها زرق
منصور:انا اللي عندي تطيح الطير من السما هع
هزاع:وانته حميد
حميد:ماعرف
هزاع:وانته حميد
حميد:ماعرف
هزاع قاعد يتذكر البنت الي حبها حميد وهي تشبه نوره وايد عسب جيه حميد كل الوقت ساكت

هزاع:انزين يلا بنسير ترا عقب شوي بنسير نغسل الاحصنه وناكلهم يعني ورانا شغل
على:مشتاق لشوفتها هااه
هزاع طنشه وسار برع ...ياهم الاستاذ خالد وقالهم ان الوقت خلص طلعوا البنات ويابعض عقب كل وحده سارت ويا المدرب مالها
دشت شيخه في الاصطبل وشافت هزاع قاعد يطلع حصانها شكرته وشلت الحصان
هزاع:يلا خلنا نسير نغسل الاحصنه
شيخه:اوكيه
ساروا مكان خيالي شرات حدائق مالت باربي سهل اخضر فيه ورود ونهر والنظر وايد وايد حلو
شيخه:يااي محلاته
هزاع طالعها وابتسم
هزاع:الي سوا النادي او صاحب النادي تعب عليه وايد وايد وفالنهايه طلع المكان وايد حلو
شيخه:تنبح الحصان فالنهر
هزاع ميود حصانه الاسود:هيه يالله طوفي
شيخه يودت حصانها وودته صوب الماي وركبت فوقه ودشوا ف الماي بس ما كان غزير وايد وقعدت تحوط ف الماي عقب نزلت ويوم يت بتنزل انزلقت وطاحت ع صخره حاده وانطرت ايدها
شواخ متعوره:ايييي
تجمع الكل حولها ترا بدو اييون بالتدرج
سار:بسم الله عليج شواخ وشافت الدم صارخت ركض هزاع صوبهم
هزاع:شو صاير وصد صوب شواخ وشهق شو صار لج
شواخ شوي وبتصيح :ماشاي انطرت ايدي
توسعت عين هزاع يوم شاف الم ينصب من يدها وياب عه الاسعافات الاوليه وقال حق الباقين يروحون عسب الحصان مايتوتر ويرفسهم وراحوا
شيخه دمعت بسكوت وهزاع ماحب يحرجها اكثر
هزاع:تقدرين تسيرين عند النيرس ما ابا احرجج
شواخ دمعت وصار شكلها شرات اليهال :لا ماابا يعور اكثر
هزاع:ميود ضحكته:انزين خلاص كيف اتعورتي شواخ هدت :كنت بنزل من الحصان وزلقت وطحت ويت يدي على الصخره الحاده اللي هناك واشرت عليها
هزاع:اوكيه سلامات الحين شو نسوي يمكن يصير لج نزيف ويخلص دمج وعقب تعرفين شو بيصير
شيخه فاجه حلجها وعينها :بموت لا مابا ازقر لي ساره او نوره او ريم خلهم يداووني ما ابا اموت
هزاع:وينهم هذيل
شيخه:اشرت ع نوره :هذي نوره
هزاع:/اوكي
نش هزاع وسار صوب نوره وحميد
هزاع:احم امم لو سمحتي انتي نوره
نوره:لفت هيه نعم شو فيها شواخ
هزاع:تباج شوي بسرعه عقب لف ع حميد وقاله حميد لو تبي تيي تعال
حميد:اوكى
ساروا ثلاثتهم عند شواخ
نوره:شواخ حبيبتي شفيج
شواخ:انطرت يدي
نوره:ويابت المطهروطهرته ايدها وشواخ اااخ واايه واهي يعور
وكان حميد ع طول الوقت سرحان بنوره يتذكر حبيبته
حميد فنفسه:ليش اذكرها خلاص هاي كانت جزء من الماضى اصلا هي ماتهمني ليش افكر بالموضوع وايد اخافهم يشكون فيني
نوره خلصت ولفت الشاش ع ايد شيخه
نوره:افف صدق انج دلاعه
شواخ:لا والله يعور
نوره:انزين احين اهم شي لاتخبرين امج لان عادي يصير فيها شي
شواخ:يب ادري
نوره:يالله اشوفج ع خير بسير عند حصاني وسارت هي وحميد
شيخه:هزاع ممكن سؤال بس تجاوبني بصراحه
هزاع:تفضلى
شيخه:امممم انا دلاعه؟.
هزاع:ميود ضحكته :لا هي ماعرف
شيخه تكابت:افف
هزاع:انتي فيج دلع بس من الله انا ماشفت فحياتي بنت تخاف من النيرس
شيخه:هيه شسوي من يوم وانا صغيره اموت من النيرس والدكتوره بس احب المستشفى
هزاع:ههه حلوه هاي
المهم ما احب اطول خلص الدوام وردوا بيتهم
شيخه:خبرت امها وابوها وطبعا شما وحمده ع هزاع بس تعمقت وسولفت ويا امها عادي
ريم:تفكر بامها حليلها
نوره:فكرت شوي بحميد وبتصرفاته
هزاع:مافكر بحد
حميد:يفكر بحبيبته القبليه
على:ماشي
منصور:ماشي
اليوم الثاني شرات كل يوم سوالف وضحك وتدريبات مايخلون شي بخاطرهم وريم بدت تندمج وياهم شوي
مر اسبوع وكل شي بحاله
في الاجازه
نش على صوت المنبه اللي ف فونه راح تسبح ويلس ع الاب توب فتح المسن وشاف اللي اونلين ومن بينهم شهد ووصلته مسج
شهد:حميد سوري خلاص كم مره بعتذر انا احبك والله وهذى كانت زله وان شاءالله ماتنعاد بليز سامحنى حميد سوالها طاف وظهر من المسن
شواخ سارت عند بيت شما ويتهم حمده بعد وسولفو
مر اسبوع ع شرات الروتين غير انه ريم نست  تقريبا سالفه امها وبدت تركز وياعلى وهزاع تطورت علاقه مع شواخ وصاروا بع يعني منصور بعده صارم ويا ساره وهي عااادي ميرت صارت وحده من الشله وربيعتهم وايد وخاصه شيخه نوره حست انه حميد وايد متضايق هالايام وكانت بتساله بس تراجعت وشعد كل يوم تطرش مسجات وحميد طاف عسب جيه هو معصب
الاسبوع الي عقبه
هزاع داش متضايق شوي وسار الاصطبل بس وقف صوب الباب يوم شاف شواخ لابسه قميص كاروهات حمر واسود وتنوره احمر واسود وفاجه شعرها ويالسه تغني حق حصانها (صوت شواخ وايد حلو)وهزاع مستند ع الباب ويسمع كانت تغني الطير مال حسين الجسمي ويوم خلصت دش هزاع
هزاع:السلام عليكم
شيخه:وعليكم السلام هلا هزاع
هزاع:اهلين يايه من وقت اليوم شو سالفه
شيخه:مزاجي اوكيه وابا
هزاع:شو
شيخه:ابا اعرف عنك اشياء وايد بس لاتفهمني غلط
هزاع:لا عادي اصلا حتى انا كنت ابا اقولج شرات الشي من الو يوم
شيخه:هزاع خبرني عن امك وابوك وخواتك
هزاع:امي اسمها شيخه
شيخه:ونعم فيها
هزاع:وابوي اسمه وليد غابوج وابوي والمدير كانوا ربع من زمان عندي اربع خوات وانا الولد الوحيد وعندي تؤام اسمها ميره